PUTSPACE - საზოგადოებრივი ტრანსპორტი როგორც საჯარო სივრცე

მოხსენების შესახებ

მოხარული ვარ, რომ მომეცა საშუალება მონაწილეობა მიმეღო ლაიბნიცის გეოგრაფიის ინსტიტუტის მიერ ორგანიზებულ #PUTSPACE სიმპოზიუმში ქ. გიორლიცში, გერმანია, 23-27 ოქტომბერს. სიმპოზიუმი მიზნად ისახავდა საზოგადოებრივი ტრანსპორტის, როგორც ყოველდღიური საჯარო სივრცის გააზრებას. ღონისძიების ფარგლებში ორგანიზებულმა ვორქშოფებმა და ექსპერიმენტული მეთოდოლოგიური მიდგომების გამოყენებამ, მონაწილეებს მოგვცა რეფლექსიის საშუალება ურბანული ყოველდღიურობისა და მობილობის ინფრასტრუქტურის თანაკვეთის წერტილებზე.

სიმპოზიუმის დასკვნით დღეს, ინსტიტუტის მკვლევარ, დოქტორ ლელა რეხვიაშვილთან ერთად ვისაუბრე კანასკნელ პერიოდში, თბილისის ურბან მობილობაში შესამჩნევ პარადიგმის ცვლილებასა და საზოგადოებრივ ტრანსპორტში განხორციელებული ინვესტიციებისა და ზოგადად, მობილობის ახალი პოლიტიკის შესახებ. ამავე მოხსენებაში, შევეხე პანდემიის საპასუხოდ მიღებული მობილობის შეზღუდვებისა და მისი სოციო-ეკონომიკური ეფექტების შესახებ, რომელმაც მოწყვლად ჯგუფებს სასიცოცხლო მნიშვნელობის პრობლემები შეუქმნა. ჩემი არგუმენტაციის უფრო ნათლად წარმოსაჩენად, ამავე პრეზენტაციაზე მონაწილეებს წარვუდგინე ანალიზი და ვიზუალიზაციები თბილისში ურბანული მობილობის კუთხით არსებულ უთანასწორო ვითარებაზე.